काठमाडौँ, २२ असार । कोशी प्रदेश स्वास्थ्यको स्वास्थ्य सचिवको जिम्मेवारी डा. कीर्तिपाल सुवेदीलाई दिइएको छ ।

गत १८ असारमा बसेको मन्त्रिपरिषद्को बैठकले एघारौँ तहका १५ जना अधिकृतको जिम्मेवारी हेरफेर गर्ने निर्णय गर्दा सुवेदीलाई कोशी प्रदेशमा सचिवको जिम्मेवारी दिने निर्णय गरेको हो ।

स्वास्थ्य तथा खाद्य स्वच्छता मन्त्रालय अन्तर्गत रहेर डा सुवेदी हाल गजेन्द्रनारायण सिंह अस्पतालमा कार्यरत थिए ।
कोशीमा स्वास्थ्य सचिव रहेका डा यदुचन्द्र घिमिरेलाई स्वास्थ्य तथा खाद्य स्वच्छता मन्त्रालयमा फिर्ता बोलाइएको छ ।

यस्तै मधेश प्रदेश अन्तर्गत मुख्य मन्त्री कार्यालय अन्तर्गत रहेर काम गरेका आयुर्वेद समूहका डा रामआधार यादवलाई पनि स्वास्थ्य तथा खाद्य स्वच्छता मन्त्रालय अन्तर्गत रहेर काम गर्ने गरी फिर्ता गरेको भूमि व्यवस्था, सहकारी, सङ्‍घीय मामिला तथा सामान्य प्रशासन मन्त्रालयले जनाएको छ ।