सुर्खेत, २० जेठ । कर्णाली प्रदेश सरकारले प्रदेश अस्पताल सुर्खेतलाई स्वास्थ्य विज्ञान प्रतिष्ठान बनाउने भएको छ।

बुधबार प्रदेश सभामा आगामी आर्थिक २०८३/८४ को नीति तथा कार्यक्रम प्रस्तुत गर्दै मुख्यमन्त्री यामलाल कँडेलले अस्पताललाई स्वास्थ्य विज्ञान प्रतिष्ठान बनाइने बताएका हुन्।

मुख्यमन्त्री कँडेलले यसको लागि अन्य स्वास्थ्य संस्थाहरूसँग समेत सहकार्य गर्ने बताएका छन् ।

कर्णाली प्रदेश प्रमुख यज्ञराज जोशीको स्वास्थ्यमा समस्या देखिएपछि मुख्यमन्त्री कँडेललाई सभामुख नन्दा गुरुङले प्रदेश सकारको नीति तथा कार्यक्रम प्रस्तुत गर्न अनुमति दिएकी थिइन् ।