काठमाडौं, १५ जेठ । सरकारले अस्पतालमा काम गर्ने नर्सहरुको नाइट डिउटी भत्ता दोब्बरले बढाएको छ ।

अर्थ मन्त्री डा स्वर्णिम वाग्लेलले केही वेर अघि आगामी आर्थिक वर्षको बजेट प्रस्तुत गर्ने क्रममा नर्सहरुको नाइट डिउटी भत्ता दोब्बरले बढाएको बताएका छन् ।

उनले सामुदायिक महिला स्वास्थ्य स्वयंसेविकाको यातायात खर्चमा ५० प्रतिशत बृद्धि गरिएको जनाए ।

नर्स तथा सामुदायिक महिला स्वयंसेविकाको भत्ता तथा यातायात खर्च बृद्धिले सेवा प्रवाहमा उत्साह थपिने अनुमान गरिएको छ ।