काठमाडौँ, ५ जेठ । काठमाडौँ विश्वविद्यालयले अर्को व्यवस्था नभएसम्मका लागि स्कुल अफ मेडिकल साइन्सेजको रिक्त डीन पदमा रही काम गर्न प्राडा मनोज हुमागाईंलाई जिम्मेवारी तोकेको छ ।

केयुले ४ जेठमा उपकुलपतिस्तरीय निर्णय गर्दै हुमागाईँलाई डीनको जिम्मेवारी दिने निर्णय गरेको हो ।

प्राडा हुमागाईँ यसअघि केयुको स्कुल अफ मेडिकल साइन्सेजको डीन पदमै कार्यरत थिए ।

गत १९ बैशाखमा राष्ट्रपति रामचन्द्र पौडेलले मन्त्रिपरिषद्को सिफारिसमा ‘सार्वजनिक पदाधिकारीको पदमुक्त सम्बन्धी विशेष व्यवस्था अध्यादेश, २०८३’ जारी गर्दा काठमाडौँ विश्वविद्यालय ऐन, २०४८ बमोजिम नियुक्त उपकुलपतिसहित २५ जना पदमुक्त भएका थिए । त्यसमा हुमागाईँ पनि परेका थिए ।