काठमाडौँ, ३० बैशाख । स्वास्थ्य तथा जनसंख्या मन्त्रालयको नाम फेरिएको छ । राष्ट्रपति कार्यालयले आज सार्वजनिक गरेको नयाँ सूचनामा यसअघि स्वास्थ्य तथा जनसंख्या मन्त्रालय सम्हालेकी निशा मेहता अब स्वास्थ्य तथा खाद्य स्वच्छता मन्त्रालयको मन्त्रीको रुपमा प्रस्तुत गरिएको छ ।

मौजुदा मन्त्रिपरिषद्को नाम, नियुक्ती हेरेफेर तथा गठनका लागि प्रधानमन्त्री बालेन्द्र शाहले सिफारिस गरेको सूची अनुसार राष्ट्रपति रामचन्द्र पौडेलले मन्त्रालय नाम तथा कार्यविभाजन गरेको हो ।

त्यसो त बुधबार (हिजो) बसेको मन्त्रिपरिषद्को बैठकले नेपाल सरकार (कार्यविभाजन) नियमावली (२०८३ स्वीकृत गरेसंगै मन्त्रालयको संख्या २२ बाट घटाएर १८ मा झारिएको बताइएको थियो ।

प्रधानमन्त्री कार्यालयको सचिवालयले पठाएको मन्त्रालयका नयाँ नामहरुमा स्वास्थ्य तथा जनसंख्या मन्त्रालयको नाम परिवर्तन भएर स्वास्थ्य तथा खाद्य सुरक्षा मन्त्रालयको रुपमा परिवर्तन भएको उल्लेख थियो । तर राष्ट्रपति कार्यालयबाट आईपुग्दा भने मन्त्रालयको नाम फेरी परिवर्तन भएर आएको छ ।