काठमाडौँ, ३० बैशाख । चिकित्सा शिक्षा आयोगको उपाध्यक्ष पदमा नियुक्तीका लागि नाम सिफारिस गर्न गठित सिफारिस समितिले दरखास्त आव्हान गरेको छ ।

समितिले चिकित्सा शिक्षा आयोगको ‘उपाध्यक्ष पदमा नियुक्तीका लागि नाम सिफारिस गर्न उम्मेदवार छनौट सम्वन्धी कार्यविधि – २०८३’ अनुसार तोकिएको योग्यता पुगेका नेपाली नागरिकबाट दरखास्त आव्हान गरिएको उल्लेख गरेको छ ।

राष्ट्रपति रामचन्द्र पौडेलले गत १९ बैशाखमा जारी गरेको सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३बाट आयोगका उपाध्यक्ष प्राडा अञ्जनीकुमार झा सहित अन्य पदाधिकारी पदमुक्त भएका थिए ।

समितिले राष्ट्रिय चिकित्सा शिक्षा ऐन २०७५ को दफा ५ को उपदफा १ को खण्ड (घ) बमोजिम अयोगको उपाध्यक्ष पदमा नियुक्ती प्रक्रिया अघि बढाएको हो ।