काठमाडौँ, १९ बैशाख । नेपाल चिकित्सक संघको निर्वाचन अन्तर्गत दोस्रो तथा अन्तिम दिन आज काठमाडौँको प्रज्ञाभवन कमलादी केन्द्रमा मतदान सुरु भएको छ । संघको २०८२-२०८५ कार्यकारिणी समितिका लागि भइरहेको निर्वाचन अन्तर्गत आज विहान ८ बजे देखि अपरान्ह ६ बजेसम्म मतदान जारी रहने बताइएको छ ।

प्रमुख निर्वाचन अधिकृत डा प्रणयरत्न शाक्यले काठमाडौँ उपत्यकामा पहिलो दिन हिजो १ हजार २२३ मत खसेको बताए । आज भने शनिबार भएका कारण मतदान गर्नेको संख्या बढ्ने अनुमान छ ।

निर्वाचन समितिले आज मतदान सकिएपछि मतगणनाको प्रकृयामा प्रवेश गर्ने बताएको छ । निर्वाचन अन्तर्गत उपत्यका बाहिर ४ र ५ बैशाखमा निर्वाचन सम्पन्न भईसकेको छ ।