काठमाडौं, १० बैशाख । स्वास्थ्य तथा जनसंख्या मन्त्री निशा मेहताको प्रमुख विज्ञ सल्लाहकारमा प्रा।डा। मनोहर प्रधान नियुक्त भएका छन् ।

राष्ट्रिय स्वतन्त्र पार्टी (रास्वपा) ले प्राडा. प्रधानलाई मन्त्रीको विज्ञ सल्लाहकारका रूपमा पठाउने आधिकारिक निर्णय गरेसँगै सरकारले उनलाई सो जिम्मेवारी दिइएको हो ।

प्राडा प्रधान चितवनलाई कार्यथलो बनाएर लामो समयदेखि चिकित्सा पेशा र प्राध्यापनमा सक्रिय छन् ।

उनी विगत १८ वर्षदेखि कलेज अफ मेडिकल साइन्सेज (पुरानो मेडिकल कलेज) भरतपुरमा प्राध्यापनरत छन्।

दुई पटक नेपाल मेडिकल काउन्सिलको सदस्य भएका उनी नेपाल चिकित्सक संघ, चितवन शाखाको पूर्व उपाध्यक्ष हुन् ।

• रास्वपाको स्वास्थ्य तथा जनसंख्या विभाग प्रदेश तहमा बिस्तार, बागमतीको संयोजक बने प्राडा मनोहर प्रधान

रास्वपाको स्थापनाकालदेखि नै सक्रिय डा. प्रधानले पछिल्लो समय पार्टीको बागमती प्रदेश स्वास्थ्य तथा जनसंख्या विभागको संयोजकका रूपमा काम गर्दै आएका थिए। उनी गत निर्वाचनमा समानुपातिक उम्मेदवार समेत बनेका थिए ।