काठमाडौँ, २४ कात्तिक। सुत्केरी गराउन आएकी एक महिलाको मृत्यु भएपछि भरतपुर अस्पताल परिसर तनावग्रस्त बनेको छ ।

पर्सा स्थायी घर भई चितवनको कालिका नगरपालिका–२ बस्ने ३० वर्षकी संगीता विकको शनिबार उपचारको क्रममा मृत्यु भएपछि परिवार र आफन्तले चिकित्सकको लापरबाही भन्दै अस्पतालमा नाराबाजी गरेका छन्।

आफन्तले चिकित्सकको लापरबाहीका कारण संगीताको ज्यान गएको भन्दै छानबिन र दोषीलाई कारबाही गर्न माग गरेका छन्।

अस्पतालका प्रवक्ता एवम् स्त्री तथा प्रस्तूति रोग विशेषज्ञ डा. रामप्रसाद सापकोटाले उपचारमा कुनै लापरबाही नभएको भन्दै पल्मोनरी एम्बोलिजमका कारण विकको मृत्यु भएको बताएका छन्।