काठमाडौँ, २३ भदौ । भक्तपुरस्थित शहीद धर्मभक्त राष्ट्रिय प्रत्यारोपण केन्द्रको विकास समितिको अध्यक्ष पदमा डा. केशरबहादुर ढकाल नियुक्त भएका छन्।

स्वास्थ्य तथा जनसंख्या मन्त्री प्रदीप पौडेलले आइतबार (२२ भदौ)मा उनलाई सो पदमा नियुक्त गरेका हुन्।

डा. ढकाल स्वास्थ्य तथा जनसंख्या मन्त्रालयका अतिरिक्त सचिव हुन्। उनले मन्त्रालयको नीति, योजना तथा अनुगमन महाशाखा हेर्दै आएका छन्।

मानव अंग प्रत्यारोपण विकास समिति (गठन) आदेश २०६८ को दफा ३ को उपदफा २ (क) को व्यवस्था बमोजिम डा. ढकाललाई अध्यक्षमा नियुक्त गरिएको मन्त्रालयले जनाएको छ।

ऐनको व्यवस्था बमोजिम अध्यक्षको पदावधि ४ वर्षको रहनेछ।

मन्त्रालयका पूर्व स्वास्थ्य सचिव डा. रोशन पोखरेलले अवकाश पाएपछि विकास समितिको अध्यक्ष पद रिक्त भएको थियो।