काठमाडौँ, ५ पुस । स्वास्थ्य उपचारका लागि चीनमा रहेका नेकपा माओवादी केन्द्रका उपमहासचिव वर्षमान पुन अनन्त आज स्वदेश फर्कँदै छन्। स्वास्थ्यमा सन्तोषजनक प्रगति भएपछि उनी फर्कन लागेको उनको सचिवालयले जनाएको छ ।

पुन चाइना साउथर्न एयरलाइन्सको नियमित उडानबाट गोन्झाओ हुँदै अपराह्न १ बजे अन्तर्राष्ट्रिय विमानस्थल काठमाडौँ आइपुग्ने कार्यक्रम छ।

वंशाणुगत जण्डिशबाट पीडित पुन चुनावी धपेडीका कारण रोग बल्झिएपछि गत १६ मंसिरमा नेपाली चिकित्सकहरुको परामर्शमा फलोअप उपचारका लागि चीन गएका थिए । उनको सेनजेनस्थित थर्ड पिपुल्स् अस्पतालमा २२ मंसिर बाट अस्पतालको क्वारेन्टिनमा राखेर उपचार गरिएको थियो ।