काठमाडौँ, २१ असार । सरकारले संसदमा विचाराधिन राष्ट्रिय चिकित्सा विधेयक फिर्ता लिई पुन: पेश गर्ने निर्णय गरेको छ । बुधबार राती बालुवाटारमा बसेको मन्त्रिपरिषद बैठकले पुरानो विधेयकलाई फिर्ता लिइ संसोधन सहित पुन: पेश गर्ने निर्णय गरको हो ।

सरकारका प्रवक्ता एवं सूचना तथा सञ्चारमन्त्री गोकुल बास्कोटाले संसदमा विचाराधिन अवस्थामा रहेको विधेयक फिर्ता लिइ संसोधन सहित पुन पेश गर्ने निर्ण भएको बताए ।

यथास्थितिमा विधेयक अघि बढाउन नहुने भन्दै प्रमुख प्रतिपक्षदल नेपाली कांग्रेसले विरोध गरेपछि अघि बढ्न सकेको थिएन । यता विधेयकमा महत्वपूर्ण बुँदाहरु हटाइएको भन्दै डा. गोविन्द केसीले आमरण अनशन सुरु गरेका छन् ।