काठमाडौँ, १८ भदौ । नेपालको प्रमुख औषधी उद्योगमध्येको एक क्वेस्ट फार्मास्युटिकल्स प्रालिले प्रधानमन्त्री दैवीप्रकोप उद्दार कोषमा ११ लाख एक हजार रुपैयाँ आर्थिक सहयोग गरेको छ ।

गत १० गते भोटेकोशी त्रिशुलीमा आएको विनाशकारी बाढीबाट प्रभावितहरुको उद्दार, राहत तथा पुर्नस्थापनाका लागि क्वेस्टले सो रकम कोषमा दाखिला गरेको हो ।

क्वेस्टका प्रवन्ध निर्देशक उमेशलाल श्रेष्ठले विनासकारी बाढीबाट प्रभावित व्यक्तिको उद्दार तथा राहत र पुनस्र्थापनाका लागि कम्पनीका तर्फबाट सो रकम सहयोग गरेको बताए ।

उनले कम्पनीका तर्फबाट सामाजिक उत्तरदायित्व अन्तर्गत दाखिला गरिएको सो रकमले बाढी पीडितका लागि सहयोग पुग्ने विश्वास गरे ।

बाढीबाट ठूलो जनधनको क्षति पुगेपछि सरकारले सहयोगका लागि सार्वजनिक रुपमा आव्हान गरेको थियो ।