काठमाडौँ, १२ भदौ । भोटेकोशी त्रिशुली नदीमा आएको बाढीबाट उद्धार गरिएका घाइतेमध्ये हालसम्म महाराजगञ्जस्थित त्रिवि शिक्षण अस्पतालमा उपचारका लागि आउनेको संख्या ४८ पुगेको छ।

अस्पतालले सार्वजनिक गरेको पछिल्लो विवरणअनुसार शुक्रबार दिउँसो २ बजेसम्म २७ जना उपचाररत छन्। उपचारपछि २१ जना डिस्चार्ज भएका छन् भने एक जनाको मृत्यु भएको अस्पतालले जनाएको छ।

उपचाररत बिरामीमध्ये छ जना सघन उपचार कक्ष (आईसीयू) मा छन्। एक जनालाई भेन्टिलेटरमा राखेर उपचार भइरहेको छ।

अस्पतालमा हाल उपचाररत घाइतेमा पाँच वर्षका बालकदेखि ५० वर्ष उमेर समूहसम्मका व्यक्ति छन्।