काठमाडौँ, ९ भदौ । लुम्बिनी प्रदेश सरकारमा नवनियुक्त तीन मन्त्रीले शपथ ग्रहण गरेका छन्।

प्रदेश प्रमुख कृष्णबहादुर घर्तीले नवनियुक्त तीन मन्त्रीहरूलाई मंगलबार पद तथा गोपनीयताको शपथ गराएका हुन्।

शपथ लिनेमा रोल्पाका दीपेन्द्र पुन ‘सिजल’  स्वास्थ्य, दाङका इन्द्रजित थारू आर्थिक मामिला तथा योजना र बर्दियाकी कृष्णाकुमारी थारू कृषि, भूमि व्यवस्था तथा सहकारी मन्त्री रहेका छन्।

नवनियुक्त तीन मन्त्रीको शपथ ग्रहणसँगै लुम्बिनी प्रदेश सरकारको मन्त्रिपरिषद्ले पूर्णता पाएको छ।