काठमाडौँ, ९ भदौ । स्वास्थ्य तथा खाद्य स्वच्छता मन्त्री निशा मेहताले केही बरिष्ठ अधिकारीहरुको जिम्मेवारी हेरफेर गरेकी छन् ।

गत ५ भदौमा मन्त्रीस्तरीय निर्णय गर्दै उनले अधिकारीहरुको जिम्मेवारी हेरफेर गरेकी हुन् ।

स्रोतका अनुसार मन्त्रालयको अत्यन्त महत्वपूर्ण मानिने नीति योजना तथा अनुगमन महाशाखाको प्रमुखको रुपमा डा. विवेककुमार लाल आएका छन् ।

उनी केही समय देखि जिम्मेवारी विहीन थिए ।

त्यहाँ रहेका डा. गुणनीधि शर्मालाई राष्ट्रिय क्षयरोग केन्द्रको निर्देशक बनाई भक्तपुर पठाइएको छ । क्षयरोग केन्द्रमा यसअघि निर्देशक रहेका डा. भुवन पौडेललाई मन्त्रालय तानिएको छ ।

मन्त्री मेहताले केही दिनमै मन्त्रालय तथा विभागका विभिन्न महाशाखाका नेतृत्व पनि परिवर्तन गर्ने योजनामा रहेको बुझिएको छ ।