हेटौडा, ४ भदौ । बागमती प्रदेशको मुख्यमन्त्रीमा नेकपा एमालेका किरण थापा मगर नियुक्त भएका छन् । नेकपा एमाले, नेकपा र राप्रपाको समर्थनमा बिहीबार थापा मुख्यमन्त्रीमा नियुक्त भएका हुन् ।

प्रदेश प्रमुख दीपक प्रसाद देवकोटाले नेपालको संविधानको धारा १६८ को २ अनुसारको सरकार गठनमा दाबी गरेका थापालाई मुख्यमन्त्री नियुक्त गरेका हुन् ।

नव नियुक्त मुख्य मन्त्री थापा यसअघि बागमती प्रदेश सरकारको स्वास्थ्य मन्त्री बनेका थिए ।

थापा बागमती प्रदेशसभाको दोस्रो कार्यकालको चौथो मुख्यमन्त्री हुन् । यसअघि नेकपाका शालिकराम जम्कट्टेल, कांग्रेसका बहादुर सिंह लामा र इन्द्रबहादुर बानियाँले सरकारको नेतृत्व गरिसकेका छन् ।