काठमाडौँ, २६ जेठ ।  नेपाल मेडिकल काउन्सिलले आगामी आर्थिक वर्ष देखि काठमाडौँबाहिरबाट समेत लाइसेन्स परीक्षा सञ्चालन गर्ने निर्णय गरेको छ ।

गत १८ जेठमा बसेको काउन्सिलको पूर्ण बैठकले उपत्यका बाहिर समेत लाइसेन्स परीक्षा सञ्चालन गर्ने निर्णय गरेको हो ।

काउन्सिलका रजिष्ट्रार डा दिपेन्द्र पाण्डेले १८ जेठको बैठकले गरेको १८ वटा निर्णय आज सार्वजनिक गरेका थिए ।

नयाँ निर्णयपछि उपत्यका बाहिर रहेका चिकित्सकहरुलाई लाइसेन्स परीक्षाकै लागि काठमाडौँ आउनु पर्ने बाध्यता हट्ने छ ।