काठमाडौँ, ३० बैशाख । नेपाल मेडिकल काउन्सिलको निमित्त रजिष्ट्रारको जिम्मेवारी डा. दीपेन्द्र पाण्डेले पाएका छन् ।

स्वास्थ्य मन्त्री निशा मेहताले मंगलबार मन्त्रीस्तरीय निर्णय गर्दै अर्को व्यवस्था नभएसम्मका काउन्सिलको निमित्त रजिष्ट्रारको रुपमा दैनिक कामकाज गर्न डा. पाण्डेलाई जिम्मेवारी तोकेकी हुन् ।

डा. पाण्डे गत पुसको दोस्रो साता सम्पन्न काउन्सिलको निर्वाचनबाट सदस्य पदमा निर्वाचित भएका थिए । उनी राष्ट्रिय ट्रमा सेन्टरका अर्थोपेडिक सर्जन हुन् ।

काउन्सिलमा यसअघि रजिष्ट्रार रहेका डा. सतिशकुमार देवलाई मन्त्रालयले गत साता पदमुक्त गरेको थियो ।