काठमाडौं २५ बैशाख । रसायन तथा मेडिकल आपूर्ति संघ नेपाल (केमसान)काे अध्यक्षमा शैलेश कँडेल निर्वाचित भएका छन् ।

संघकाे शुक्रबार सम्पन्न २० औं बार्षिक साधारणसभा सभाबाट कँडेलकाे नेतृत्वमा नयाँ कार्यसमिति निर्विरोध निर्वाचित भएकाे हाे ।

साधारणसभाले प्रथम  उपाध्यक्षमा विनोद कुमार मानन्धर, महासचिवमा दीपक शर्मा, सचिवमा विजय खनाल तथा कोषाध्यक्षमा निर्मल रेग्मीलाई निर्वाचित गरेकाे छ ।

 कार्यसमिति सदस्यहरूमा विनय राज सिटौला, गणेश प्रसाद सापकोटा, खडानन्द पाण्डे र विजय महर्जन चयन भएका छन् ।

नवनिर्वाचित नेतृत्वले  व्यवसाय क्षेत्रको हित, व्यवसायिक एकता तथा स्वास्थ्य सामग्री आपूर्ति प्रणालीलाई अझ व्यवस्थित बनाउने प्रतिबद्धता व्यक्त गरेको जनाएको छ ।