काठमाडौँ, ११ चैत । नेपाल चिकित्सक संघको निर्वाचन समितिले यसअघि रोकिएको निर्वाचन सम्पन्न गर्न नयाँ तालिका सार्वजनिक गरेको छ ।

निर्वाचनका लागि यसअघि उम्मेदवारी दिएका सबै चिकित्सकको उम्मेदवारी कायम हुने गरी पाटन उच्च अदालतले फैसला गरेपछि समितिले नयाँ तालिका सार्वजनिक गरेको हो ।

समितिका प्रमुख निर्वाचन अधिकृत डा प्रणय रत्न शाक्यले बुधबार राती जारी गरेको विज्ञप्तीमा काठमाडाँै उपत्यका बाहिर आगामी २८ र २९ चैते तथा काठमाडौँ उपत्यका भित्र आगमी १०, ११ र १२ बैशाखमा निर्वाचन हुने उल्लेख छ ।

डा शाक्यले पाटन अदालतमा उम्मेदवारहरुद्धारा दायर तीनवटा मुद्धाको फैसलालाई समेत मध्यनजर गरेर आज बसेको केन्द्रीय कार्यकारिणी समितिको निर्वाचनको नयाँ मिति घोषणा गरिएको उल्लेख गरेका छन् ।