काठमाडौँ, ७ भदौ । चिकित्सा शिक्षा आयोग र शिक्षा, विज्ञान तथा प्रविधि मन्त्रालयअन्तर्गत निकायहरूका लागि राजपत्रांकित श्रेणीका ७४ अस्थायी दरबन्दी स्वीकृत भएको छ।

बिहीबार बसेको मन्त्रिपरिषद्‌ बैठकले शिक्षा विज्ञान तथा प्रविधि मन्त्रालयको प्रस्तावमा चिकित्सा शिक्षा आयोग र शिक्षा, विज्ञान तथा प्रविधि मन्त्रालयअन्तर्गत निकायहरूका लागि राजपत्रांकित श्रेणीका ७४ अस्थायी दरबन्दी स्वीकृत गरेको हो।

सुर्खेत जिल्ला साविक अवलचिङ्ग गाविस वडा नं. ४क को ९ रोपनी जग्गा चिङ्गाड गाउँपालिका वडा न ५ मा निर्माण हुने १५ शय्याको आधारभूत अस्पताल निर्माणार्थ चिङ्गाड गाउँपालिकालाई उपयोग गर्न स्वीकृति पनि निर्णय भएको छ।