काठमाडौँ, १८ जेठ । काठमाडौं महानगरपालिकाले आफ्ना ३२ वटै वडा भित्रका बृद्धभत्ता प्राप्त जेष्ठ नागरिकलाई निशुल्क स्वास्थ्य सेवा दिने भएको छ ।

महानगरपालिकाले ६८ वर्ष माथिका जेष्ठ नागरिकलाई छत्रपाटी निशुल्क चिकित्सालयबाट स्वास्थ्य सेवा दिने भएको हो ।

काठमाडौँ महानगरपालिका र छत्रपाटी निशुल्क चिकित्सालयबीच भएको सम्झौँता अनुसार ३२ वटै वडाका जेष्ठ नागरिकलाई निशुल्क उपचार सेवा दिन लागिएको हो ।

महानगरका प्रमुख बालेन्द्र शाह बालेनले चिकित्सालयले उपलव्ध गराउने सबै सेवा महानगरपालिकाभित्रका जेष्ठ नागरिकले निशुल्क प्राप्त गर्ने बताए । उनले त्यसका लागि सम्वन्धित वडा कार्यालबाट प्राप्त बृद्ध भत्ता परिचय पत्र, कर्मचारी परिचय पत्र, वा वडा कार्यालयको सिफारिस पत्र भने अनिवार्य चाहिने उल्लेख गरेका छन् ।

त्यसो त महानगरपालिकाले जेष्ठ नागरिक मात्रै होईन यो सुविधा आफ्ना सम्पूर्ण जनप्रतिनिधि र कर्मचारीका लागि पनि मिलाएको छ । केही दिन अघि भएको सम्झौँतामा जेष्ठ नागरिकसहित महानगरपालिकाका सम्पूर्ण जनप्रतिनिधिहरु र कर्मचारीले पनि सो चिकित्सालयबाट निशुल्क स्वास्थ्य उपचार सेवा पाउने भनिएको छ ।

चिकित्सालयले उपलव्ध गराउने निशुल्क स्वास्थ्य उपचार सेवामा के के पर्दछन् ?

• २४ सै घण्टा आकस्मिक सेवा
• ल्याप्रोस्कोपीक शल्यक्रिया
• सर्जरी
• फिजिसियन र इन्टरनल मेडिसिन
• नाक, कान, घाँटी रोग
• स्त्री रोग
• पेट रोग (ग्यास्ट्रोइन्टेरोलजी)
• चर्म तथा यौन रोग
• बाल रोग
• अल्ट्रासाउण्ड
• टिएमटी र हल्टर
• अडियोग्राम
• टिम्पानो मिटर
• इको
• मनोचिकित्सा
• २४ सै घण्टा प्याथोलोजी,
• डिजिटल एक्सरे,
• पिसाब नलीको पत्थर चिरफार नगरीकन
• शल्यक्रिया
• आँखा रोग तथा मोतिया बिन्दु शल्यक्रिया
• हाड, जोर्नी र नशा रोग
• जनरल हेल्थ चेकअप
• ईण्डोस्कोपी र कोलोन्स्कोपी
• दन्त रोग
• मुटु रोग
• ड्रेसिङ्ग
• ईसीजी
• स्त्री रोग शल्यक्रिया
• हार्डजोर्नी शल्यक्रिया