काठमाडौँ, २६ वैशाख । पछिल्लो चौबिस घण्टामा देशभर थप ५१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले आज जारी गरेको बिबरण अनुसार थप १ हजार ९ सय २ जनाको नमुना परीक्षण गर्दा ५१ जनामा संक्रमण पुष्टि भएको हो ।

आज थप २६ जना संक्रमणमुक्त भई डिस्चार्ज भएका छन् ।

त्यस्तै, देशभर १४७ सक्रिय संक्रमित रहेका छन् । कोरोना संक्रमित बिरामीहरु मध्ये १३ जना संस्थागत आईसोलेसनमा, ६ जना र भेन्टीलेटरमा १ जना उपचाररत रहेका छन् ।