काठमाडौँ, २४ बैशाख । स्वास्थ्य मन्त्रालयले औषधि व्यवस्था विभागको केही कर्मचारीहरुको पदस्थापन तथा सरुवा गरेको छ ।

मन्त्रालयको गत १३ बैशाखको सचिवस्तरीय निर्णय अनुसार लोक सेवा आयोगको परीक्षा उत्तीर्ण गरी औषधि व्यवस्थापकमा बढुवा भएका किरण बज्राचार्यलाई विभागमै पदस्थापन गरिएको छ ।

यस्तै विभागमा रहेका अर्का औषधि व्यवस्थापक प्रमोद केसीलाई राष्ट्रिय औषधि प्रयोगशालामा पठाइएको छ । प्रयोगशालामा रहेकी सजिता जोशीलाई भने विभागको वीरगञ्ज शाखामा सरुवा गरिएको बताइएको छ ।