काठमाडौँ, २० भदौ ।  नेपाल डेन्टल एशोसिएशनको चुनाव शुरु हुन अब तीन दिन मात्रै बाँकी छ । उपत्यका बाहिरका दश स्थानमा २३ भदौ र उपत्यका भित्र ३० भदौका लागि मतदान गर्ने दिन तोकिएको छ ।

कुल १४४३ जना सदस्य रहेको एशोसिएशनको चुनाव पाँच पदाधिकारी र ४ जना सदस्य ९ वटा पदका लागि हो । तर, महासचिव र उपाध्यक्ष निर्विरोध भइसकेका छन् । बाँकी सात सिटका लागि १४ जनाको उम्मेद्धारी कायम छ ।

यसअघि दुई जनाको उम्मेद्धवारी परेको उपाध्यक्ष पदमा डा. हेमन्त हलुवाईले नाम फिर्ता लिएपछि अर्का उम्मेद्धवार डा.आशिष भट्टराई निर्विरोध भएका छन् । महासचिव पदमा भने शुरुमै डा. कुम्भराज जोशीको एक्लो उम्मेद्धारी परेको थियो । उनी उम्मेद्धारी दर्ता गर्ने बेलामै निर्विरोध घोषित भएका थिए ।

अध्यक्ष पदमा यसपटक तीन जनाको प्रतिस्पर्धा देखिएको छ । डा. सेन्छेमा लिम्बु, डा. प्रविन्द्र अधिकारी र डा. सुभित मास्के ।

डा. लिम्बु कान्तिपुर डेन्टल कलेज टिचिङ हस्पिटलमा बालदन्त विभागकी एसोसिएट प्रोफेरस हुन् । डा.अधिकारी जनरल प्राक्टिसनर हुन् । उनले जाउलाखेलमा ३२ स्माइल क्लिनिक खोलेका छन् । अध्यक्षका अर्का प्रतिस्पर्धी डा. मास्के त्रिवि शिक्षण अस्पताल महाराजगञ्जका दन्त चिकित्सक हुन् । उनको विशेषज्ञता प्रोस्थोडोन्टिक्समा हो ।

तीनै जना उम्मेद्धारले कडा प्रतिस्पर्धाकाबीच आफूले बाजी मार्ने दावी गरेका छन् । उनीहरुले जितको आधार आफ्ना अजेण्डालाई मानेका छन् ।

‘हाम्रो देशमा दन्त स्वास्थ्य क्षेत्रमा धेरै समस्याहरू छन्  । ती समस्याहरूलाई समाधान गर्न तयार भएर अघि बढेकाे छु,’ डा. लिम्बुले भनिन् । उनले मुख स्वास्थ्य नीति कार्यान्वय गर्नु र सरकारी संस्थामा डेन्टल डाक्टरको दरबन्दी मिलाउनु आफ्नो प्राथमिकता रहेको बताइन ।

अर्का प्रतिस्पर्धी डा. मास्केले डेन्टल डाक्टरको दरबन्दी देखि बजारमा भए गुणस्तरीय दन्त सेवासम्मको कुरा आफ्नो प्रमुख अजेण्डा भएको बताए । उनले भने, ‘यति धेरै डाक्टर उत्पादन भइसकेका छन् । तर सरकारले दरबन्दी खोल्न मानिरहेको छैन । मेरो एजेन्डा त्यसमा केन्द्रीत त छ त्यसबाहेक गुणस्तरीय दन्त सेवा हुनुपर्छ भन्ने अर्को मुख्य एजेन्डा हो ।’

अर्का प्रतिस्पर्धी डा. प्रविन्द्र अधिकारी डेन्टल क्षेत्रमा बढदै गएको विकृतिलाई तथा अस्तव्यस्ततालाई हटाउने आफ्नो अजेन्डा भएको बताउँछन् । ‘हामीकहाँ रिफरल सिस्टम ठिक छैन, डाक्टर डाक्टर बीच नै पनि हार्दिकता छैन । डाक्टर बाहेकका व्यक्तिहरु धमाधम दन्त उपचारमा आइरहेका छन् । ती कुराहरुलाई पनि समेटनुपर्नेछ । मैले चुनावी अजेन्डा यिनै इस्युमा केन्द्रीत गरेको छु,’ डा. अधिकारीले भने ।

को को छन् उम्मेद्धार ?

कहाँ कहाँ हुँदैछ चुनाव ?

दुई चरणमा हुने चुनावमा उपत्यका बाहिरका १० स्थानमा आगामी २३ भदौमा हुनेछ । उपत्यकामा भने ३० भदौका लागि तोकिएको छ ।
एशोसिएशनको शाखा कार्यालयहरु रहेका धनगडी, नेपालगञ्ज, बुटवल, चितवन, पोखरा, बीरगञ्ज, जनकपुर, धरान, विराटनगर र विर्तामोडमा २३ भदौमा हुनेछ ।

यो पनि पढ्नुहोस्……..

डेन्टल एसोशिएसनको निर्वाचनमा १६ जनाको उम्मेद्धारी, महासचिवमा डा. जोशी निर्विरोध