बीपी स्मृति अस्पतालमा ९६ जना महिलाको नि:शुल्क स्वास्थ्य परीक्षण
काठमाडौँ, ६ बैशाख । नयाँ बर्षको अवसरमा बसुन्धरास्थित वीपी स्मृति सामुदायिक अस्पतालले महिलाहरुको निशुल्क स्वास्थ्य परीक्षण गरेको छ । अस्पताल परिसरमै गत २ र ३ गते राखिएको सो कार्यक्रममा ९६ जना महिलाहरुले निशुल्क स्वास्थ्य परीक्षण गराएका थिए ।
अस्पतालका निर्देशक डा धनबहादुर रानाले पहिलो दिन शिविरमा आएका ४२ मध्ये ३६ जना र दोस्रो दिन ५४ मध्ये ४४ जना महिलाको पाठेघरको मुखको पानी जाँच (प्यापस्मेयर) गरिएको बताए । उनले ९६ जनाकै रगत, पिसाव र मधुमेह जाँच समेत निशुल्क गरेको जानकारी दिए ।
जाँचका क्रममा अधिकांश महिलामा योनी र पाठेघरमा संक्रमण भएको पाइएको छ । डा रानाले परीक्षणका क्रममा पाठेघर खसेको २० सेमीसम्मका थाहा नभएका फाईब्रोइड युटेरसका केश समेत भेटिएको बताए ।
अस्पतालले सामाजिक उत्तरदायित्व अन्तरगर्त निशुल्क परीक्षण गरेको हो ।
सम्पर्क इमेल : nepalihealthnews@gmail.com