पार्टी प्रतिनिधिको स्वास्थ्य जाँचमा खटिए नेता डा. शेखर कोइराला

  • सोमबारसम्म २५०० जनाले गराए स्वास्थ्य जाँच
  • - नेपाली हेल्थ

    काठमाडौँ, ३ पुस । नेपाली कांग्रेसका नेता डा. शेखर कोइराला पार्टीको जारी महासमिति बैठकमा सहभागी प्रतिनिधिको स्वास्थ्य जाँचमा खटिएका छन् ।

    कोइराला सोमबार महासमिति बैठकमा सहभागी महासमिति सदस्य, कार्यकर्ता तथा सुभेच्छुकको स्वास्थ्य जाँचमा खटिएका हुन् ।

    बन्दसत्र रोकिएको समयमा महासमितिस्थलमा राखिएको स्वास्थ्यसँग सम्बन्धित स्टलमा बसेर बिरामीको सामान्य चेकजाँच गरेको कोइरालाका सहयोगी दिनेश थपलियाले जानकारी दिए ।

    महासमिति बैठकस्थलमा नेपाल प्रजातान्त्रिक चिकित्सक संघ केन्द्रीय समिति, नेपाल नर्सिङ युनियन र नेपाल स्वास्थ्यकर्मी संघको टोलीले निःशुल्क प्राथमिक उपचार गरिरहेको छ ।

    सोमबार साँझसम्म २ हजार ५ सय जनाले स्वास्थ्य जाँच गराएको नेपाल प्रजातान्त्रिक चिकित्सक संघले जनाएको छ ।

    केही रोगको निःशुल्क औषधिसमेत वितरण गरिएको थियो । महासमिति बैठकको अवधिभर स्वास्थ्य जाँच निरन्तर जारी रहने उपचारमा खटिएकी बिन्दा शर्माले जानकारी दिइन् ।

    • राजधानी दैनिकमा समाचार छ ।

    थप समाचार

    Loading...

    Leave a Reply

    Your email address will not be published. Required fields are marked *