सुत्केरीले पाउने यातायात खर्च सत प्रतिशत बृद्धि, गर्भपरीक्षण वापतको भत्ता पनि दोब्बर

काठमाडौँ, १ साउन । सरकारले आज देखि गर्भवती जाँच र सुत्केरी सेवाका लागि दिइदै आएको यातायात खर्च दोब्बर बनाएको छ । स्वास्थ्य सेवा विभाग परिवार स्वास्थ्य महाशाखाले सोमबार (हिजो) प्रकाशित गरेको सूचनामा आज देखि लागू हुने गरी यसअघि उपलव्ध गराइदै आएको गर्भवती जाँच र सुत्केरी यातायात खर्चमा सत प्रतिशतले बृद्धि भएको जनाएको छ ।

नयाँ व्यवस्था अनुसार अब हिमाली क्षेत्रका महिलाले सुत्केरी हुँदा पाउने यातायात खर्च ३ हजार पुगेको छ । यसअघि हिमाली क्षेत्रका महिलाले सुत्केरी हुँदा यातायात खर्च १ हजार ५ सय मात्रै पाउने गर्दथे ।

यस्तै पहाडी क्षेत्रकाले २ हजार र तराई क्षेत्रका सुत्केरीले १ हजारका दरले यातायात खर्च पाउनेछन् । यसअघि पहाडमा सुत्केरीलाई एक हजार र तराईमा ५ सय मात्रै यातायात खर्च दिने गरिन्थ्यो ।

यस्तै स्वास्थ्य संस्थामा चार पटक गर्भ परीक्षण गराए वापत पाउने भत्तामा पनि सतप्रतिशत बृद्धि गरेको जनाएको छ । पहिले चार पटक परीक्षण गराएवापत ४ सय रुपैयाँ थियो । अब सो रकम ८ सय पुगेको छ ।

 

समाचार / स्वास्थ्य सामाग्री पढनु भएकोमा धन्यवाद । दोहरो संम्वाद को लागी मेल गर्न सक्नु हुन्छ ।
सम्पर्क इमेल : nepalihealthnews@gmail.com

Leave a Reply

Your email address will not be published. Required fields are marked *