एजेन्सी । ‘ह्वाई वी स्लीप’ का लेखक प्राध्यापक म्याथ्यू वाकर भन्छन् ,’सन् १९४० को दशकका सर्वेक्षणहरु हेर्दा औसतमा एउटा बयस्क ७.९घण्टा सुत्ने गर्दथ्यो । अहिले त्यो समय घटेर ६.७५ घण्टा पुगेको छ ।

के थोरै सुतेर हामीलाई फरक पर्छ त ?
ज्यान लिन सक्ने सम्भावना भएका रोगहरु क्यान्सर देखि अल्जाइमर, हृदयघात, मधुमेह, मोटोपना, मस्तिस्कघात र आत्महत्या पनि यी सबै अपर्याप्त निद्रासंग जोडिएका छन् ।

छोटो निद्राले सबै प्रकारका मरणको संकेत गर्छ, छिटो मरणको संकेत गर्छ । शरीरको जैविक घडीले प्रकाशको आधारमा हामी कति बेला ब्युँझने र निदाउने त्यो निर्धारण गर्छ । तर कृत्रिम प्रकाशको आगमनपछि हाम्रो जीवनशैली चौबीसै घण्टा चल्न थाल्यो ।

यसले हाम्रो प्राकृतिक जैविक चक्रसंग सामञ्जस्य राख्दैन र निद्रालाई बाधा पुरयाउँछ ।

विश्व स्वास्थ्य संगठनले प्रत्येक रात आठ घण्टा सुत्नुपर्छ भनेको छ । त्यसका लागि  पहिलो, निद्रालाई प्राथमिकतामा राख्नुहोस । अनि तपाईँहरु पाँच मुख्य कुरा गर्न सक्नुहुन्छ ।

ती पाँच कुरा यस्ता छन्  :

• सप्ताहान्त होस वा अरु कुनै दिन सधै उही समयमा सुत्न जानुहोस र उही समयमा उठ्नुहोस् ।
• आधुनिक समाज अध्यारोबाट बन्चित छ । त्यसैले राति बत्ती निभाउने गर्नुहोस् । भएका मध्ये आधा जति मात्रै बाल्नुहोस् ।
• आफ्नो सुत्ने कोठा शीतल राख्नुहोस् । राम्रो निद्राका लागि १८.५ डि सेन्टिग्रेड जति । निदाउनका लागि शरीरको तापक्रम घटनुपर्छ ।
• ओछयानमा जागा नबस्नुहोस् । मस्तिष्कले ओछयानमा बस्तु भनेकै जागा रहनु हो भन्ठानिदिन सक्छ । २० – ३० मिनेट ब्युँझनुभयो भने उठ्नुहोस्, अलि अँध्यारो कोठामा जानुहोस्, केही पढ्नुहोस् । अनि निद्राले छोपेजस्तो भएपछि ओछ्यानमा फर्कनुहोस् ।
• दिउँसो २ बजे पछि कफीजन्य पदार्थ नपिउनुहोस् । त्यो पिउनुभयो भने त्यसले जागा राख्न र निद्रालाई अवरोध पार्न मद्धत गर्छ ।
  अन्त्यमा राती मदिराले राम्रो गर्दैन । यसले उत्तेजनशीलता शमन गर्छ । अचेत बनाइदिन्छ ।

निद्रालाई प्राथमिकतामा राख्दै, यससंग डराएर हैन यसलाई अँगाल्दै राम्रो निद्रा पार्ने यी पाँच उपाय हुन् ।

• बीबीसीको सहयोगमा