१५ बर्षमै १७ प्रतिशत किशोरी गर्भवती
काठमाडौँ, ४ चैत । नेपालको मुलुकी ऐनको नयाँ व्यवस्थाले विवाह गर्ने उमेर महिला तथा पुरुष दुवैका लागि कम्तीमा २० बर्ष हुनुपर्ने व्यावस्था गरेको छ । २० बर्ष भन्दा कम उमेरमा विवाह गरे कानून त दण्डनीय हुनेछ ।
तर कानूनलाई सम्वन्धित निकायले परिपालना नगरेका कारण नेपालमा त्यसको ठीक उल्टो छ । नेपालमा १७ प्रतिशत किशोरीहरुले १५ बर्षकै उमेरमा बच्चा जन्माउने गरेका छन् ।
काठमाडौँ जिल्ला जनस्वास्थ्य कार्यलयका प्रमुख महेन्द्र प्रसाद श्रेष्ठका अनुसार पछिल्लो केही बर्ष यता कम उमेरमा बच्चा जन्माउनेको संख्यामा बृद्धि भएको छ । उमेर अनुसार हर्मोनमा आउने आमूल परिवर्तनसंगै किशोरीले शारीरिक सम्बन्धमा बढ िजोड दिदा कम उमेरमा बच्चा जन्माउन बाध्य छन् । उनले भने ।
कुन प्रदेशमा कस्तो अवस्था ?
प्रदेश न – १ १६ प्रतिशत
प्रदेश नं – २ २७ प्रतिशत
प्रदेश न – ३ १० प्रतिशत
प्रदेश न – ४ १४ प्रतिशत
प्रदेश न – ५ १३ प्रतिशत
प्रदेश नं – ६ १९ प्रतिशत
प्रदेश नं -७ १६ प्रतिशत
- आजको नयाँ पत्रिकामा खबर छ
सम्पर्क इमेल : nepalihealthnews@gmail.com