एमबीबीएस प्रवेश परीक्षा हुने वा नहुने निधो सोमबारसम्ममा हुन्छ : डीन अग्रवाल
काठमाडौँ, १ मंसिर । त्रिवि आइओएमका डीन प्राडा जगदीश अग्रवालले एमबीबीएस प्रवेश परीक्षा हुने वा नहुने भन्नेबारेमा आगामी सोमबारसम्ममा निधो हुने बताए ।स्ववियूले आगामी पुरानो परीक्षा खारेज गरी नयाँ मिति सार्वजनिक गर्न ४८ घण्टाको अल्टिमेटम दिएको छ ।
नेपाली हेल्थसंग कुरा गर्दै आइओएमका डीन प्राडा अग्रवालले त्रिवि कार्यकारीबाट निर्णय गर्न निर्देशन आइसकेको भएपनि आइओएममा केही प्रक्रिया बाँकी रहेकोले सोमबारसम्ममा टुंगो हुने बताए । ‘यो निर्णय लिनका लागि ४/५ वटा समितिमा लैजानुपर्छ । त्यो प्रक्रिया सोमबार सम्म टुंगिएला र यसले एउटा स्वरुप लेला,’ उनले भने ।
प्राडा अग्रवालले पुन परीक्षा हुने वा नहुने भन्नेबारेमा अहिले केही भन्न नसक्ने बताए । आइओएममा विद्यार्थीहरुले पुन परीक्षाको माग गरेका छन् भने प्राध्यापकहरुले पहिलेकै परीक्षाको नतिजा प्रकाशित गर्न दवाव दिएका छन् ।
सम्पर्क इमेल : nepalihealthnews@gmail.com