स्वास्थ्य मन्त्रालयद्धारा ८४ वटा अस्पतालका लागि ७० करोड अनुदान (सूची सहित)
काठमाडौँ, ८ चैत । स्वास्थ्य मन्त्रालयले ५० बेड मुनिका अस्पतालहरुको इन्डोर, इमरजेन्सी, ओपीडी, ओटी आदिको मर्मत सुधार गर्न ६९ करोड ५० लाख रुपैयाँ छुट्याएको छ । मन्त्रालयले बेड संख्या र आवश्यकताका आधारमा अस्पतालका लागि अनुदान रकम विनियोजन गरेको जनाएको छ । देशभर १५ देखि ५० बेडसम्मका ८४ वटा अस्पताल छन् ।
मन्त्रालयका लेखा अधिकृत सुरेश शर्माले अस्पतालको सेवा सुदृढीकरणका लागि अनुदान उपलव्ध गराइएको बताए । उनले सरकारी अस्पतालको गुणस्तर अभिबृद्धि गर्न तथा आम सर्वसाधारणलाई गुणस्तरीय सेवा उपलव्ध गर्न सहयोग पुरयाउन सरकारले ती अस्पतालहरुलाई अनुदान उपलव्ध गराएको जानकारी दिए ।
मन्त्रालयले अनुदान रकम कतिपयमा जिल्ला स्वास्थ्य कार्यालय मार्फत र कतिपयमा सोझै अस्पतालको नाममा विनियोजन गरेको छ । मन्त्रालयले ५० लाख देखि १ करोड ८० लाख सम्म अनुदान रकम उपलव्ध गराएको छ ।
मन्त्रालयले छुट्याएको अनुदान रकम
सम्पर्क इमेल : nepalihealthnews@gmail.com